Мэдээлэл

     Монгол улсын хөдөлмөрийн тухай хуульд зааснаар ажилтны ажлын өдрийн үргэлжлэл 8 цаг, долоо хоногийн ажлын цаг 40 байхаар хуульчилсан байдаг. Тэгвэл ажлын 8 цаг ямар нэгэн шинжлэх ухаанд тулгуурлаагүй байна.

Үйлдвэрлэл хөгжиж байсан эрин үед буюу 18-р зууны төгсгөлд, үйлдвэрүүд 7 хоногт 24 цагаар зогсолтгүй ажиллах нормтой байсан тул өдөрт 10-16 цаг ажиллах нь хэвийн үзэгдэл байв. Хүмүүсийг удаан цагаар ажлуулах нь харгис гэж үзэн Уэльсийн манлайлагч Роберт Овен ажлын цагийг багасгахаар 1817 онд  "8 цаг ажиллаж, 8 цаг амарч , 8 цаг унтах" уриатай тэмцэж эхэлсэн байна. Энэ тэмцэл нь зуун жилийн дараа 1914 онд Форд моторс компанийн үүсгэн байгуулагч Хенри Форд ажлын цагийг 8 болгон цалин хөлсийг 2 дахин нэмснээр биеллээ олжээ. Үр дүнд нь ажилчдын бүтээмж дээшилж тухайн цаг үедээ хувьсал хийсэн түүхтэй. 

Эрдэмтдийн хийсэн судалгааны үр дүнд ажлын 8 цагийн ердөө 2 цаг 53 минут л ажлаа бүтээмжтэй хийдэг тухай дүгнэлт гаргажээ.

АНУ-н Хөдөлмөрийн статистикийн товчоо 2000 гаруй оффисын бүтэн цагийн ажилчдаас судалгаа авахад, ажилчид ажлынхаа ихэнх цагаар ажлаасаа өөр зүйл хийдэг гэв. Мөн хамгийн үр бүтээлгүй ажилд зарцуулагдаг цагийг тооцоолсон жагсаалт гаргажээ. Үүнд :

1.      Веб хуудаснаас мэдээ унших-1 цаг, 5 минут

2.      Сошиал медиагаа шалгах-44 минут

3.      Ажлынхантайгаа ажилтай огт холбоогүй зүйлсийн талаар ярилцах-40 минут

4.      Шинэ ажил хайх-26 минут

5.      Тамхи татахаар завсарлах-23 минут

6.      Гэр бүлийнхэнтэйгээ эсвэл найзтайгаа утсаар ярих-18 минут

7.      Цай, кофе хийж уух-17 минут

8.      Мессэж бичих, чатлах-14 минут

9.      Хөнгөн хооллох-8 минут

Хэрвээ та өдөрт 3 цаг бүтээмжтэй цагийг ашигладаг бол та оффисын 8 цагийн ажилтантай адил бүтээмжтэй байна. Ажлын цагийг өдрийн 3 цаг биш юмаа гэхэд 6 цаг болговол хэр бүтээмжтэй байх бол? 

Мэдээний эх сурвалжтай  танилцахыг хүсвэл энд дарна уу.