Мэдээлэл

Сонсох

Эмэгтэйчүүд эрчүүдээс илүү их ярьдаг тухай судалгаа байдаг. Орой ажлаасаа ирэхэд эхнэр тань өнөөдөр болсон бүх үйл явдлаа хүүрнэж магадгүй. Энэ нь их ярих хэрэгцээгээ хангаж байгаа зүйл огт биш эсрэгээр анхаарал, халамж хүсэж байгаагийн илрэл юм. Тэгвэл түүнийгээ жоохон л сонсоход тэр юунд дуртай, ямар бэлэг авмаар байгаагаа ч хэлэх болно.

Судлах /Найзуудаас нь асуух

Танд туслах хамгийн шилдэг туслагч, зөвлөгч байж чадах хүн бол эхнэрийн эсвэл найз бүсгүйн найзууд юм. Тэднээс асууснаар та цагийг хэмнэх ба оновчтой бэлэг сонгоно. Учир нь найз бүсгүй эсвэл эхнэр тань юунд дуртайг тэд хамгийн сайн мэдэж байгаа.

Энгэсэг

Сүүлийн үед эмэгтэйчүүд make up буюу энгэсэг их сонирхдог болсон. Энэ нь тренд болж байгаа. Мэдээж эмэгтэйчүүд будаггүй бол хөөрхөн, харин будагтай бол хүчирхэг харагддаг. Та дуртай брендийн уруулын будаг, эсвэл нүдний тень бэлэглээрэй. Сайхан үнэртэй ус ч бэлэглэж болно шүү дээ.

Цэцгийн баглаа

Цэцгэнд дургүй эмэгтэй хүн ховор байдаг. Та цэцэг бол үхчихдэг мөнгөний гарз гэж бодож байгаа юм биш биз? Сайхан баглаатай цэцгээс бол хэн ч татгалзахгүй.

Бэлгийн карт

Гоо сайхны салонд үйлчлүүлэхэд зориулсан бэлгийн багцтай карт байж болно. Энэ тодорхой дүнгийн хязгаартай байдаг. Үсчин, гоо сайхны спа салон, хувцасны дэлгүүрийн бэлгийн карт ч байж болно.

Оройн зоог бэлдэх

Ямар ч сайхан ресторанаас илүү таны хийж өгөх хоол түүнд сэтгэгдэл төрүүлнэ. Гэхдээ өдөр тутам хийдэг будаатай хуурганы талаар яриагүй байна шүү. Та магадгүй интернетээс чамин хоолны жор харж болно шүү дээ. Хоол хийж өгч буй тохиолдолд ширээгээ гоё засахаа мартуузай. Бас шилтэй дарсаа бэлдээрэй. Анхилуун үнэртэй лаа ч таны зассан ширээг чимж болох юм.