Илгэн, хилэн, нубукэн гутлын арчилгаа
Илгэн болон нубукэн арьс дэгжин, загварлаг харагдуулдаг боловч онцгой арчилгаа шаардагддаг учраас ихэнх хүмүүс цастай эсвэл бороотой үед өмсөж явахаас аль болох татгалздаг. Гэхдээ зөв гутлын арчилгаа таны гутлын эдэлгээг уртасгах боломжтой. Гутлынхаа өнгө, хэлбэр, чанарыг хадгалахын тулд дараах гурван алхмыг хэрэгжүүлээрэй. 1. Цэвэрлэгээ. 2. Арчилгаа. 3. Хамгаалалт. Эдгээрийн аль нэгийг л орхигдуулах бол таны гутал амархан үзэмжээ алдаж, эдэлгээ нь багасдаг гэдгийг мартуузай.
1. Цэвэрлэгээ
Гутлын арьс бохирдсон, толботой болсон тохиолдолд зориулалтын сойтогоор цэвэрлэж заншаарай. Гүн бохирдсон тохиолдолд зориулалтын цэвэрлэгч бодисын тусламжтай цэвэрлээрэй. Цэвэрлэгч бодисоо ашиглахын өмнө багахан хэсэгт турших үзэх шаардлагатай байдаг.
Анхаарах зүйл: Гутал норсон тохиолдолд заавал өрөөний температурт хатаана. Цахилгаан халаагч болон хатаагч төхөөрөмж ашиглахыг хориглоно. Өндөр хэмд гутлын хэлбэр болон чанарт өөрчлөлт ордог ба гутлын уланд ан цав үүсдэг.
2. Арчилгаа
Ямар ч төрлийн гутлын арьс нэн ялангуяа өвлийн улиралд хүний арьс шиг арчилгаа, тосолгоо шаардагддаг гэдгийг санаарай. Олон төрлийн тосолгооны бүтээгдэхүүн байдаг ч найрлагадаа байгалийн гаралтай тос болон лав ашигласан эсэхийг шалгаарай. Учир нь байгалийн гаралтай бүтээгдэхүүн арьсыг зөөлөн болгож өнгийг сэргээнэ. Ямарч төрлийн тосон түрхлэгийг цэвэрхэн, хуурай гутлан дээр ашиглах ёстой гэдгийг бүү мартаарай.
3. Хамгаалалт
Ихэвчлэн өвлийн эсвэл борооны улиралд уснаас хамгаалах цацлага цацах ёстой. Шинэ гутал авсан бол өмсөхөөсөө өмнө цацлага цацаж хэвшээрэй. Уснаас хамгаалсан цацлага цацсанаар гутал ус болон бохирдлыг өөртөө шингээхгүй ч амьсгалах шинж чанараа алдахгүй. Хэд хэдэн удаа цацах ёстой ба нэг цацаад хатаасны дараа 3-5 удаа давтаарай. Хангалттай хэмжээнд цацсан үед цацлага гутлын арьсанд шингэлгүй дусал үүснэ. Хэрвээ уснаас хамгаалсан гутлаа их өмссөн бол долоо хоногийн дараа дахин цацлага цацаарай.
Дээрх бидний бэлтгэсэн мэдээ ТАНД таалагдсан бол LIKE бэлэглээрэй. Баярлалаа.
Мэдээний эх сурвалж: www.vk.com/@trekshoesrussia