Яагаад хүүхдийг Жюү Жицүгээр хичээллүүлэх ёстой вэ?
Яагаад хүүхдийг Жюү Жицүгээр хичээллүүлэх ёстой вэ?
Жюү Жицү нь бие хамгаалах урлагын нэг төрөл юм. Жюүжицүгээр хичээллэх нь хүний бие махбодь болон сэтгэхүйд аль алинд нь ач тустай байдаг.
Хүний бие махбодид гарах өөрчлөлтүүд:
Хүн ямар ч спортоор хичээлллэхэд биеийн жин тэнцвэржиж, булчин чангарч бие махбодийн хэлбэр засардаг. Харин жюүжицүгээр хичээллэхэд хүн бусад спортоос илүүтэйгээр биеэ бүхэлд нь удирдаж сурдаг. Өнөөгийн нийгэмд хүн бүхэл өдрийн турш яг хэдэн цөөн тооны үйлдлээ л давтамжтайгаар хийж байдгаас болж хүн зарим нэг хөдөлгөөнийг рефлексээрээ хийдэг болдог. Жюү Жицүгийн угсраа мэх хөдөлгөөнүүд хүнд үе мөчнийхөө хөдөлгөөнийг өөрөө бүрэн удирддаг болоход тусалдаг. Ялангуяа бага насны хүүхэд тус спортоор хичээллэвэл олон төрлийн мэх техник, биеийн чадвахуудын хөдөлгөөн нь хүүхдийг биеийнхээ бүх хэсэгт нэгэн зэрэг анхаарал хандуулж сурдаг.
Мөн Жюү Жицүгээр хичээллэснээр хүн ямар ч нөхцөл байдалд биеэ хамгаалах чадвартай болдог. Өшиглөх, цохих гэх мэт арга техникийг хүн бүхий л зодооны урлагын төрлөөс сурдаг. Харин Жюү Жицүгийн тулаанд эдгээрээс илүүтэйгээр өөрөөсөө илүү хүчтэй өрсөлдөгчийг өөрийгөө болон өрсөлдөгчөө ноцтой гэмтээлгүй, довтлохоос илүү хүчээ хэмнэн уран мэхээр өрсөлдөгчөө тухайн мөчийг тааруулан ялахыг чухалчилдаг. Энэ нь бодит амьдрал дээр хүн хэрхэн биеэ хамгаалдагтай илүү дөхөм байдаг.
Хүний сэтгэхүйд гарах өөрчлөлтүүд:
Жюү Жицүгийн спортын олон угсраа мэх, хөдөлгөөн, барьц зэргийг сурахад хүн яг сургуульд сурч байгаа юм шиг олон дахин тэр хөдөлгөөнүүдийг давтах, цээжлэх хэрэгтэй болдог. Энэ нь хүний ой тогтоомжийг сайжруулахаас гадна нэг л хөдөлгөөнийг сурахын тулд нэг үйлдлээ хэд дахин давтдаг нь хүнийг тэсвэр, хатуужилтай болгодог.
Ялангуяа хүүхдийн нэг юмаа тэвчээртэй хийж чаддаггүй, уйдамтгай, шантрамтагай зан Jiujitsu-гийн бэлтгэлийн явцад засарч хүүхэд тэвчээр хатуужил суудаг. Мөн Жюү Жицүгийн бэлтгэлд хүүхэд явахад өөрөөсөө бага зэрэг ах эсвэл дүү хүүхдүүдтэй нэг зэрэг хичээллэдэг нь хүүхдийг багаасаа нээлттэй болж, багаар ажиллаж сургадаг. Мөн багш, дэвжээ, нөхдөө ёслож хүндтгэж сурдаг нь хүндлэлийн хүмүүжлийг тус спортоос олж авдаг.
