Хүүхдийн өрөөг хэрхэн тохижуулах вэ?
Та хүүхдийнхээ өрөөг хэрхэн тохижуулах талаар бодож байна уу? Мөн жижиг хэмжээтэй өрөөнд тохирох тавилгуудыг сонгох болон байрлуулах тал дээр эрэл хайгуулж хийж байгаа бол таньд интериор дизайнер Emilia - н гаргасан санааг хүргэж байна. Хамгийн гол нь өрөөнд хүүхдэд хэрэгтэй бүх зүйлийг багтаах нь чухал юм.
Дизайнер хүүхдийн өрөөг хуваахдаа зорилгоос нь хамааран өөр өөр өнгөөр байлгахыг зорьсон байгаа. Жишээ нь: Хичээллэдэг хэсгийн хана болон ширээний гэрэл зэргийг илүү өнгөлөг тод болгосон бол, амрах унтах хэсгийг илүү гүн, бүдэг болгосон байна. Харин хувцас солих, эд зүйлсээ хадгалах хэсэг дээр дурын өнгийг оруулж илүү идэвхитэй өнгө төрхтэй байх нь тохиромжтой гэж зөвлөжээ.
Харин одоо хэсэг бүрийн санаануудыг илүү дэлгэрэнгүй харуулья.
Хичээл болон ажил хийхэд хамгийн чухал нь сандал болон ширээ юм. Мэдээж ширээ сандал нь энгийн бөгөөд биед эвтэйхэн байх хэрэгтэй. Дизайнер нь нарны гэрэл рүү харж илүү их гэрэл, энергийг авах зорилготойгоор ширээг байрлуулан, мөн ширээн доор нь шүүгээг давхар шийдсэн байна. Хичээл ажлаа төлөвлөхөд зориулан хананд самбар, хэрэгтэй зүйлүүдээ байрлуулах боломжтой тавиур, соронзыг мөн суурьлуулсан. Ширээний гэрлийг яасан ч мартаж болохгүй ба хурц биш нүд ядраахгүй байх хэрэгтэй.
Ширээний хажуу ханаа хэрхэн үр ашигтайгаар ашиглах талаар харууллаа. Та өөрийн хүссэн байдлаар тохижуулж болох ба харин бид IKEA брендийн бүтээгдэхүүн дээрээ үндэслэн тохижилт хийлээ.
Ханын самбар, номын тавиур
Соронзон тогтоогуур
Ширээний гэрэл
Мэдээж жижиг хэмжээтэй өрөө ч гэсэн унтах ор нь тухтай байх шаардлагатай. Ийм үүднээс буйдан болж мөн өргөн болдог орыг сонгон оруулсан байна. IKEA брэндийн олон төрлийн ор байдаг ба үүнээс төмөр сунадаг ор нь тохиромжтой харагдаж байна.
Орны хажуу хэсэгт амрах хэсэг байх нь их тохиромжтой. Нуруу амраах сандал, цайгаа уух ширээ, дулаан дэвсгэр гээд зүйлүүдийг хослуулах нь халуун дулаан байдлыг бий болгоно. Мэдээж танайд найз нөхөд чинь ирэх үед тавилгуудаа амархан зөөж өргөх боломжтой байдлыг бодолцоорой.
Хэрэгтэй зүйлүүдээ хадгалах, байрлуулах хэсэг заавал байх хэрэгтэй. Өрөөг эмх цэгцтэй байлгах үүднээс эд зүйлсийг ил болон далд хадгалах боломжтой тавиурыг санал болгож байна. Олон төрлийн тавиурууд байдаг ба энэ удаад модон тавиурыг сонгож өрөөний зохицол болон өнгө төрхтэй хослуулсан байна.
Мэдээж хувцасаа хадгалах хэсэг шаардлагатай. Нэгэн хэвийн хувцасны шүүгээ байхаас татгалзан, мөн жижиг зайг ашигласан шийдэл нь хувцасны илүү өлгүүр болон тавиур юм. Энэ нь өрөөг илүү дизайнлаг болгож дулаан уур амьсгалыг бүрдүүлнэ гэдэгт итгэлтэй байна. Мөн том толийг хаалганы ард байрлуулсанаар зай хэмнэсэн давуу тал үүссэн байна.
