Мэдээлэл

12 02

Нөүтбүүк өвөр дээрээ тавьж суух эрүүл мэндэд хортой

5484 Эрүүл мэнд

Техник технологи маш хурдацтай хөгжиж суурин компьютерээс илүү нөүтбүүк ажиллахыг илүүд үздэг болсон. Бид буйдан дээр хэвтэж эсвэл сууж байхдаа, хаана ч нөүтбүүк ашиглаж байна. Харин өвөр дээрээ нөүтбүүк тавьж суух нь ямар сөрөг үр дагавартайг тэр бүр хүмүүс мэддэггүй.

Corrnell болон Harvard-ийн сургуулийн Эргономик судлалын тэнхимийн шинжээчид үзэж байгаагаар лаптоп болон нөүтбүүкний загвар эргонимик байдлын энгийн шаардлагыг хангадаггүй гэдэгт санал нэгджээ. (Эргономик гэдэг нь “Хүмүүсийн хэрэглэдэг зүйлсийг хамгийн үр дүнтэй, аюулгүйгээр зохион бүтээх, зохицуулах талаар судалдаг шинжлэх ухаан” юм). Тухайлбал компьютерийн гар болон дэлгэц хоёр хамтдаа байх нь хүний нүдний харах өнцөгт тохирдоггүй, бугуйнд ачаалал өгдөг байна. Үүний үр дүнд доошоо харан нуруу бөгтийж чөлөөтэй суух боломжгүй болдог.

Нөүтбүүк өвөр дээрээ тавих нь эрэгтэйчүүдэд үргүйдэл үүсгэдэг. Хэт дулаан орчин нь төмсөгт сөрөг нөлөөтэй ба эр бэлгийн эсийн тоог цөөрүүлдэг. Мөн арьсний 3-р зэргийн түлэгдэл, гарын бугуй, хүзүү өвдөх, хуян хөөрөх, нүдний хараа муудах зэргээс гадна арьсны хавдраар өвчлөх магадлалтай байна. Олон цагаар өвөр дээрээ нөүтбүүкээ байрлуулан ажил, хичээлээ хийж байхдаа, кино үзэж эсвэл тоглоом тоглох үедээ хэт халж байгааг ажралгүй арьсаа түлсэн олон тохиолдол бүртгэгдэж байжээ. Өмд өмссөн байсан ч ялгаагүй түлэгддэг байна. Эрүүл мэндээ анхаарч өвөр дээрээ нөүтбүүк бүү тавиарай.