Hiking буюу явган аялал нь эрүүл аз жаргалтай болгодгийг эрдэмтэд баталжээ
Уулын оргил дээрээс мэдрэх бие болон сэтгэлийн торгон агшны төлөө явган аялагч нь шавжид хазуулах, бие хөхрөх, хөл цэврүүтэх зэрэг бэрхшээлүүдийг үл тоон сорилт бэрхшээлийг даван туулдаг. “Байгаль дах алхам бүрээс, хайж байгаагаасаа илүү ихийг нээн илрүүлдэг” John Muir хэлсэн байдаг. Энэ нийтлэлээс явган аялал хүний бие болон сэтгэхүйд ямар эерэг нөлөө үзүүлж болохыг мэдэж аваарай.
Бүтээлч сэтгэхүйг хөгжүүлнэ
Кофейнийг март. Оюун ухаанаа цэнэглэхийг хүсч буй хүн та заавал холыг зорих шаардлагагүй хамгийн ойрхон уул руу гараарай. Судалгааны үр дүнгээс харахад явган аялал нь анхаарал төвлөрлийг нэмэгдүүлж, бүтээлчээр асуудлыг шийдвэрлэх чадварыг 50%-р ихэсгэдэг байна. Түүнчлэн судалгааны үр дүн нь аялал хийснээрээ технологиос хамаарах хамаарлыг буруулдаг гэж судлаачид тодотгожээ. Зөвхөн технологийн хамаарлаас гарах биш, ой мод, цэвэр агаар , нарны дулаан элч зэрэг хамтран бүтээлч сэтгэлгээг нэмэгдүүлдэг байна. Стэнфордын Их Сургуулийн Эрдэм Шинжилгээний Сургуулийн судлаачид алхах нь сууснаас илүү бүтээлч сэтгэлгээг хөгжүүлдэг болохыг судалгааны явцад илрүүлжээ.
Эрүүл чийрэг бие бялдар бүтээхэд тусална
Явган аялал нь тархины үйл ажиллагаанд сайнаар нөлөөлдөг шигээ бие физиологид ч гэсэн чухал үүрэг гүйцэтгэнэ. Үүргэвчний хүнд болон хэр зэрэг өгсүүр газар алхаж байгаагаас хамааран цагт 500с дээш калори шатаах боломжтой. Үе мөчид ачаалал үүсгэхгүй маш сайн дасгал болдог. Калори шатаахаас гадна галбиржин турахад онцгой ач холбогдолтой. Тогтмол идэвхтэй явган аялал хийх нь цусны даралт болон холестринийг буруулна. Түүнчлэн чихрийн шижин, зүрхний өвчин, цус харвах эрсдэлийг буруулдаг шидтэй.
Aз жаргал мэдрүүлнэ
Сэтгэл гутралын өвчтэй хүмүүст нэмэлт аяллын эмчилгээ хийснээрээ итгэл найдвараа сэргээх, амиа хорлолт, сэтгэлийн гутралаас ангижруулахад тусалдаг байна. Мөн идэвхтэй амьдралын хэв маягтай болох урам зориг өгдөг. Сэтгэл гутралаар өвдөөгүй эрүүл хүний ч гэсэн сэтгэлзүйд сайнаар нөлөөлнө. Уулын оргилоос амар тайванийг мэдрэж, тайвширлыг олж авдаг.
Дээрх бидний бэлтгэсэн мэдээ ТАНД таалагдсан бол LIKE бэлэглээрэй. Баярлалаа. Мэдээний эх сурвалж: HUFFINGTONPOST, 2014 он